கவிப்ரியன் கவிதைகள்

நானும்... ஏனையோரும்...

2010-07-15T16:39:00.001+05:30

எல்லோரும்

காதலாலும் காதலுக்குபின்னும்

கவிதையெழுதிக் கொண்டிருக்க...
நானோ
ஒரு கவிதையை அல்லவா
காதலித்துக்கொண்டிருக்கிறேன்.

தாலாட்டு-2

2010-03-08T03:00:00.000+05:30

கண்ணே கண்மணியே கண்ணுறங்கு கண்ணுறங்கு
கவிதாபுத்திரனே மித்ரனே கண்ணுறங்கு.
கார்த்திகை பாலகனே நீயுறங்கு... ஆரோ ஆரிராரோ...
மாதவனோ ஆதவனோ நீ யாரோ யாரிவரோ... ஆரோ ஆரிராரோ...

மாயவன் மருகனோ, சதுர்த்தி நாதனோ...நீ யாரோ யாரிவரோ... ஆரோ ஆரிராரோ...
உமையவள் மடியுதித்த உத்தமனோ...
உத்தமன் புத்திரனே நீயுறங்கு கண்மணியே...

கவிதாபுத்திரனே மித்ரனே கண்ணுறங்கு.

முத்தமிழ் வித்தகனோ மூவேந்தர் குலக்கொழுந்தோ ...நீ யாரோ யாரிவரோ... ஆரோ ஆரிராரோ...
கருணை நாதனோ, கருணா மூர்த்தியோ...நீ யாரோ யாரிவரோ... ஆரோ ஆரிராரோ...
அருவுருவான அண்ணலோ நீ நித்திலமே கண்ணுறங்கு...
சங்கரனே சண்முகனே ஐங்கரனே மாயவனே
சக்தியுமையாய் நின்றாய் யாவுமானாய் நீ ஆராரோ ...
கவிதாபுத்திரனே மித்ரனே கண்ணுறங்கு.

உன்னைத் தொட்டிலிட்டு தாலாட்டு பாடுகிறேன்
கண்ணுறங்கு கண்மணியே..
தத்துவப் பேரூற்றே, தாயுமான தயாளனே,
சந்திர சூரியனும் அக்கினியும் நேத்திரமாய்
உலகினுக்கு ஒளிதந்த உத்தமனே நீயுறங்கு.. ஆராரோ ஆரிரரோ...
கவிதாபுத்திரனே மித்ரனே கண்ணுறங்கு.

ஓமெனும் மந்திரத்து உள்விளங்கு விழுப்பொருளே நீயுறங்கு..
சங்கப்பலகை தாலாட்டும் செந்தமிழ்ப்பாலோ..
சங்கத்தமிழ் தந்த சிங்கத் தமிழனே நீயுறங்கு...
சங்கப் பலகை உந்தன் தாலாட்டு தொட்டிலய்யா..
செந்நாப் புலவருனை செந்தமிழ்ப் பாட்டிசைக்க
நான்வேதம் தான்முழங்க கண்ணே உறங்கய்யா... ஆராரோ ஆரிரரோ...
கவிதாபுத்திரனே மித்ரனே கண்ணுறங்கு.

அன்புக் கடலுதித்த் ஆரா அமுதே நீ
அரியும் நான்முகனும் அடிமுடிகாணாது அலைந்துசோர
சோதிவடிவாய்நின்ற அண்ணாமலையானே ஆராரோ... ஆரிரரோ..
செம்பவளத் தொட்டிலிலே சீராளா நீயுறங்கு...
பச்சைவண்ணத் தொட்டிலிலே பண்பாளா நீயுறங்கு...
நித்திலமே தத்துவமே நிமலனே நீயுறங்கு...
மூத்தவனே முத்தாய் வந்தவனே...
கவிதாபுத்திரனே மித்ரனே கண்ணுறங்கு.

தாலாட்டு-1

2010-02-10T20:24:00.000+05:30

ஆராரோ ஆராரோ கண்ணே நீ ஆரீரரோ ஆராரோ
ஆரடித்தார் நீ அழுக கண்ணே உனை
அடித்தவரை சொல்லி அழு
பஞ்சு மெத்தை பட்டுமெத்தை கண்ணே உனக்குப்
பரமசிவன் கொடுத்தமெத்தை
அக்கா கொடுத்த மெத்தை கண்ணே
உனக்கு அழகான தங்கமெத்தை
மேலு வலிக்காம கண்ணே நீ
மெத்தையிலே படுத்துறங்கு
மானே மருக்கொழுந்தே கண்ணே நீ
மலர்விரிந்த மல்லியப்பூ
கரும்புசிலையானோ கண்ணே நீ
கந்தனுக்கே நாயகனோ?
சீதைக்கு அதிபதியோ கண்ணே நீ
சிங்கார ராமபிரான்தானோ?
வட்டக்கலசலத்திலே கண்ணே நீ
வாய் நிரம்பப்பால் குடிச்சி
வாகான தொட்டிலிலே கண்ணே நீ
வச்சிரம்போல் தூங்கிடய்யா...

உன் அன்பு நானறிந்த வகையில்...

2010-01-23T17:16:00.000+05:30

தாய்பறவையின் பாசம்.
குஞ்சுபொறிக்க அமரும் வைராக்கியமும் பொறுமையும்.
மழலையின் குறிப்பறிந்து மார்கொடுக்கும் தாய்மை.
என்னை உன்னில் காட்டிய கண்ணன்.
என்னிலுள்ள அத்துனை மிருகங்களுக்கும் அடைக்கலம் கொடுத்த கானகம்.
மனம் வருந்திய போது மடங்கி அருகமர்ந்து தலை தடவும் தோழமை.
இன்னலுற்ற போது இதயப்பூர்வமாய் கொடுக்கும் இதம்.
என் சுண்டுவிரல் பற்றி உறுதி சொல்லும் உறுதுணை.
எனது சினத்திலும் சிறிதும் மாறாத உன் அமைதி.
குறும்புகளில் எல்லைமீறும் போதும் சிறுபார்வையால் கட்டிப்போடும் கண்ணியம்.
பேசத்தெரியாமல் தடுமாறிய போதும் பேசவைத்த அரிச்சுவடி.
அதிராத இடிமின்னல்.
இடித்துரைக்கும் ஏமரா மகராணி.
உடுக்கை இழந்தவன் கை.
மடிதற்று முந்துறும் தெய்வம்.
ஊடல் காதலின் கௌரவம் என்ற காதலி நீ.
கூடல் அகவை தாண்டிய பின்னரும் பாடல் உண்டென காதல் காட்டிய கண்மணி.
இன்னுமிருக்கிறது சொல்ல...
இத்துடன் நிறுத்தி வருகிறேன் உன்னருகில்,
இதுவரை நான் எங்கேயும் காணாத காதலை உன்னிடம் கற்க.

Please Vote For Isha Foundation Charity..

2010-01-22T20:04:00.002+05:30

Please Vote For Isha Foundation Charity..
Hi,
I need your help! Just spare few minutes of your time by reading the below mail.
Chase Community Giving has given Facebook users the chance to decide which charities/NGOs will receive grants of up to US$ 1 million. Isha Foundation is one of the few NGOs with India-based projects to make it to the final round.

Isha Foundation is a non-religious, not-for-profit, public service organization, which addresses all aspects of human wellbeing. From its powerful yoga programs for inner transformation to its inspiring projects for society and environment, Isha activities are designed to create an inclusive culture that is the basis for global harmony and progress. This approach has gained worldwide recognition and reflects in Isha Foundation's special consultative status with the Economic and Social Council (ECOSOC) of the United nations. Read More
JUST a FEW MINUTES of your time can help ISHA FOUNDATION win up to US$ 1 MILLION for THOSE WHO NEED IT MOST. For this,
I Need Your Vote!

( You can vote upto 11.59 today..Now ISHA is in 2nd position )
It's very simple. All you need to do is,

1) Go to http://www.facebook.com/ and create a face book account. Confirm the account and login to facebook.

2) Go to "Chase community Giving" home page and become a fan (by clicking "Become a Fan" button located at top page)

3) Go to Isha's chase face book home page and click "Allow"

4) Click "Vote for Charity" to vote for Isha.

Click here to see the step by step procedure of voting with screen shots.

Finally, Kindly forward the information to your friends and relatives and help Isha to get more Votes.

THANKS A LOT FOR YOUR KINDNESS.

Regards,
Manick
--
Save Trees.
Let the World Breath.

நீ யார்?

2010-01-13T04:29:00.000+05:30

நான் சிரித்தபோது சிரித்து,
அழுதபோது அழுது,
அப்படியே செய்ய நீ வெறும் காதலியல்ல..

என்னை வழி நடத்திச்செல்லும்
நேர்மறை எண்ணம் நீ
நினைவுகொள்.

காதல் கடிதம்

2010-01-13T04:24:00.000+05:30

காதல் கடிதம்

எழுதவேண்டுமென்றுதான்

அமருகிறேன்

ஒவ்வொரு முறையும்.

கவிதைகளாகவே தொடங்குகின்றன

வார்த்தைகள்.

சறுக்கல்

2010-01-13T04:02:00.000+05:30

மிக மிக சாதூர்யமாய் தான்
வைக்கிறேன் ஒவ்வொரு அடியும்
உன் இதழ் படிகளில்.

ஆனாலும் வழுக்கி விழுகிறேன்
விழிப்பார்வையால் உன்
இதயக்குளத்திற்குள்.

என்னை நீ...

2010-01-13T03:48:00.002+05:30

உன்னைக் காதலியாய் மட்டுமே
பார்த்துக்கொண்டிருக்கிறேன் நான்...
நீயோ என்னைக்
கணவனாக்கி
தகப்பானாகவும் ஆக்கிவிட்டாய்.

காதல் தோல்வி

2010-01-13T03:35:00.000+05:30

அடிக்கடி போட்டிவரும்

நமக்குள்

யார் அதிகமாய் காதலிப்பவர் என்று...

ஒவ்வொரு முறையும்

தோற்கிறேன் நான் உன்னிடம்
உனக்கான காதலோடு.

முதலும் வட்டியுமாய்...

2010-01-13T03:01:00.004+05:30

உனக்கான கவிதைகளைக்
கூட்டு வட்டியாய்
சேமித்து கொண்டேயிருக்கிறேன் எனக்குள்.

அத்தனையும் சொல்வேன் உன்னிடம்
முதலாய் உன்னை தந்தால் மட்டும்..
அந்தச் செல்லச் சிணுங்கள்களோடு.

நினைவிழைகள்...

2010-01-13T01:26:00.000+05:30

வீட்டில் ஒட்டடை கூட அடிக்கவில்லை..

அதன் ஒவ்வொரு இழையிலும்

பிணைத்து வைத்திருக்கிறேன்

உன் நினைவுகளை...

நிலவு நீ.. கதிரும் நீ.. கவிதை நீ...

2010-01-13T01:07:00.002+05:30

தோழியாய் இருந்த வரை

சூரியனாய் சுட்டெரித்துக்கொண்டிருந்தாய்

பார்வையால்.

காதலித்துப் பார்த்ததால் தான்

தெரிகிறது...
குளிர்ந்த நிலவு நீயென்று...
சுட்டெரித்தது உன் பெண்மைதான்.

காதல் கடிகாரம்

2010-01-13T00:43:00.000+05:30

சின்னமுள் நீ...

பெரியமுள் நான்..

நம் காதலை நிமிடம்தோறும் ரசிக்க

பிறந்தான் நம் மைந்தன்..

நிமிடமுள்ளாக.

பிறகென்ன..!!

2010-01-02T20:30:00.002+05:30

காலில் அடிபட்டபோது

கலங்கின கண்கள்.
கண்ணத்தில் அடித்தபோது
கைகள் ஏன் நீளவில்லை???

ஒற்றுமையில் வேற்றுமை

2010-01-02T20:21:00.000+05:30

உங்களுக்கும்
எனக்கும்
உள்ள வேற்றுமையைத் தவிர
வேரெந்த ஒற்றுமையும் இல்லை...
நமக்குள்.

பிறகு..

2010-01-02T20:17:00.000+05:30

பெருமழைக்குப்பின்

நைந்து போன
கந்தல் துணியாய்
சாலைகளும்..
அவள் திருமணப் பத்திரிக்கை
கண்ட நானும்.

உருண்டைகள்...

2010-01-02T20:09:00.001+05:30

வயிற்றுக்கும்

தொண்டைக்கும்

உருவமில்லாதொரு

உருண்டை உருள

கடற்கரையில்
நின்றிருந்தான் அவன்.

தொண்டைக்கும்
வயிற்றுக்கும்
உருண்டை உருள
"ஒரெயொரு சுண்டல் வாங்கிகோங்கண்ணே" என்றான் சிறுவன்.

பேச்சு

2010-01-02T20:00:00.002+05:30

நிறைய பேசிவிட்டோம்

அதைச்செய்வோம்

இதைச்செய்வோம் என்று..

பேசியதைத் தவிர
வேறெதுவும் செய்யவில்லை
இதுவரை.

TN STATE BOOKS ONLINE

2010-01-02T17:51:00.000+05:30

Dear All..... Pls pass on this information to your friends / neighbors... whose children are studying in the Stateboards.

I think sometimes we are indirectly helping to someone like this.
Now the TN State board books are online in PDF and downloadable.
From Std 1 to Std 12. All subjects... Any GOOD heart person can print this material & handover to some Poor people.
http://www.textbooksonline.tn.nic.in/

தவிப்பு

2009-12-31T21:42:00.002+05:30

வளைகாப்பு முடிந்ததும்

பிள்ளைபேறுக்கு

தாய்வீடு சென்றுவிட்டாய் நீ..

விட்டுச்சென்ற
வளையல்களுக்குள்
உறங்குகிறேன் நான்.

ஆதங்கம்..

2009-01-23T12:38:00.002+05:30

நிறைய தானுந்துகளில் எழுதப்பட்டிருக்கிறது...
ஒரு மருத்துவமனையில் கூட எழுதப்படவில்லை...
"பிரசவத்திற்கு இலவசம்" என்று.

குளமும் நாமும்..

2008-07-24T16:14:00.002+05:30

நீர் தளும்பும் குளமாயிருந்தாலும்..

வற்றிய கரைகளுக்குள்ளேதானே

வாழ்க்கை...!

ஒரு கவிதை

2008-06-21T19:49:00.001+05:30

ஒரு உதடு தா..
இரு விரல்கள் தா...
ஒரு நுரையீரல் தா...
பீடியை இழுத்து ரசிக்கிறேன்.
_குஞ்ஞுண்ணி கவிதைகள்.

லவ்வுன்னா லவ்வூ...

2008-02-22T12:23:00.006+05:30

போவோமா ஊர்கோலம்...

என் ஆச மச்சான்....

கட்டிப்புடி கட்டிப்புடிடா....

இவ்வளவு லேட்டா பதிவு போட்ட உன்னைய....

POWER OF TAMIL

2008-02-21T19:51:00.002+05:30

Can you compare it with any other languages?????????

1 = ONDRU (ஒன்று) -one

10 = PATTU (பத்து)-ten

100 = NOORU (நூறு)-hundred

1000 = AAYIRAM (ஆயிரம்)-thousand

10000 = PATTAYIRAM (பத்தாயிரம்)-ten thousand

100000 = NOORAYIRAM (நூறாயிரம்)-hundred thousand

1000000 = PATTU NOORAYIRAM (பத்து நூறாயிரம்)- one million

10000000 = KOODI (கோடி)-ten million

100000000 = ARPUTHAM (அற்புதம்)-hundred million

1000000000 = NIGARPUTAM (நிகற்புதம்)- one billion

10000000000 = KUMBAM (கும்பம்)-ten billion

100000000000 = KANAM (கனம்)-hundred billion

1000000000000 = KARPAM (கற்பம்)-one trillion

10000000000000 = NIKARPAM (நிகற்பம்)-ten trillion

100000000000000 = PATHUMAM (பத்துமம்)-hundred trillion

1000000000000000 = SANGGAM (சங்கம்)-one zillion

10000000000000000 = VELLAM (வெள்ளம்)-ten zillion

100000000000000000 = ANNIYAM (அன்னியம்)-hundred zillion

1000000000000000000 = ARTTAM (அர்த்தம்)-?////

10000000000000000000 = PARARTTAM (பரார்த்தம்)--anyboby know

100000000000000000000 = POORIYAM (போரியம்)-<>?#%^&

1000000000000000000000 = MUKKODI (முக்கோடி)-&^*^%^#

10000000000000000000000 = MAHAYUGAM (மகாயுகம்)-????????????????

One of the oldest and greatest languages in the World - TAMIL

நேர்மறை

2008-02-11T21:07:00.000+05:30

* இளம்பிறையே!
உன் ஏழ்மையை
எண்ணி வருந்தாதே...

ஏனெனில்..

உன்னுள்தான்
பூரண சந்திரன்
புதைந்து கிடக்கிறான்.

* இருண்டுவிட்டதற்காக
வருந்தாதே...
உன்னால் இப்போதுதான்
அழகிய நட்சத்திரங்களைக்
காணமுடியும்...

சூ...மந்திரகாளி....AirTel to Vodafone

2008-02-05T14:49:00.000+05:30

www.airtel.com-ன்னு உங்க browser-ல குடுங்க..

Airtel... Vodafone-ஆ மாறுறத பாருங்க...

சூ...மந்திரகாளி....

தமிழமுது

2008-02-01T11:35:00.000+05:30

அருணகிரிநாதரின் சரித்திரத்தில் ஒரு முக்கிய சம்பவம் உண்டு. வில்லிப்புத்தூரார் என்னும் ஸ்ரீவைஷ்ணவர் ஒருவர் தமிழ் வாதுக்கு புலவர்களை அழைக்கும் வழக்கத்தைக் கொண்டிருந்தார்.

வாதில் தோற்றவர்களின் காதை ஒட்ட அறுத்து, விரட்டி அடித்துவிடுவார். இதனால் பல புலவர்கள் அந்த வட்டாரத்திற்குள்ளும் நுழைய அஞ்சியிருந்தனர். அதை அறிந்த அருணகிரிநாதர் அந்த வழக்கத்தை உடனடியாக நிறுத்தி, புலவர்களைக் காப்பாற்றவேண்டும் என்ற நோக்கம் கொண்டார். ஆகவே வில்லிப்புத்தூராரை நாடிச் சென்றார். அவரையும் வில்லிப்புத்தூரார் வாதுக்கழைத்தார்.

வில்லி தம்முடைய கையில் நீளமான துரட்டியைப் பிடித்திருப்பார். அதன் ஒரு நுனியில் காதை அறுக்கக்கூடிய பதமான வளைந்த கத்தி இருக்கும். அதை எதிராளியின் காதின் மீது வைத்துக்கொண்டு கேள்விகளைக் கேட்பார். பாடல்களைச் சொல்லச் சொல்வார். ஏதும் வழு இருந்தால் உடனடியக எட்டினமட்டும் காதை அறுத்துவிடுவார்.

அருணகிரியோ ஒரு புது கண்டிஷனைப் போட்டுவிட்டார். அதாவது இருவர் கையிலும் காதறுக்கும் துரட்டி இருக்கவேண்டும். அருணகிரி ஓர் அந்தாதியைப் பாடுவார். அதில் ஒரே ஒரு பாடலுக்கு மட்டும்வில்லி அர்த்தம் சொல்லிவிட்டால் போதும். அவ்வாறு சொல்லிவிட்டால் வில்லி வென்றவர் ஆவார். வென்றவர் எட்டினமட்டும் தோற்றவர் காதை அறுத்துவிடலாம். அப்படி வில்லி பொருள் சொல்லவில்லையென்றால் வில்லியின் காதை அருணகிரி அறுக்கலாம். வில்லியும் ஒத்துக்கொண்டார்.

வாதத்தை வளர்த்துச் செல்லவிரும்பாத அருணகிரி, ஒரு பாடலைத் தாமே சொல்லி, அதன் பொருளைக் கேட்டார். வில்லிப்புத்தூரார் விதிர்த்துப்போய் அமர்ந்துவிட்டார். ஏனெனில் அந்தப் பாடல் தலையும் புரியவில்லை; காலும் புரியவில்லை.

அது ஒரு "தகரவர்க்க"ப் பாடல். முற்றிலும் "த" என்னும் எழுத்தின் வரிசையிலேயே இந்தப் பாடல் முழுமையும் அமைந்திருக்கும். சமஸ்கிருதத்திலும் தெலுங்கிலும் இவ்வகைப்பாடல்கள் உண்டு. "ஏகாக்ஷரப் பாடல்" என்று சொல்வார்கள். தமிழில் ககரவர்க்கம், தகரவர்க்கம் ஆகியவற்றில் பாடல்கள் உண்டு. காளமேகப்புலவர், அருணகிரிநாதர் முதலியோர் பாடியிருக்கின்றனர். வில்லிப்புத்தூரார் தம்முடைய தோல்வியை ஒப்புக்கொண்டு, தம் காதை அறுத்துக்கொள்ளுமாறு அருணகிரியிடம் கேட்டுக்கொண்டார். அருணகிரியோ அது தம்முடைய நோக்கமல்ல என்றும் புலவர்களை இவ்வாறு அவமதித்து அவர்களுக்குக் கொடுமை செய்வதை நிறுத்தச் செய்யவேண்டும் என்பதே விருப்பம் என்றும் சொல்லிவிட்டார். வில்லிப்புத்தூரார் அருணகிரியிடம் மன்னிப்புக் கேட்டுக்கொண்டு தாம் இனி தமிழை வளர்க்கப் பாடுபடப் போவதாக வாக்குறுதி கொடுத்தார். பின்னாட்களில் அவர் தமிழில் மகாபாரதத்தைப் பாடினார். அந்த நூல் அவருடைய பெயராலேயே 'வில்லி பாரதம்' என்று வழங்குகிறது.

பாடலைப் பார்ப்போம்:

"திதத்தத்தத் தித்தத் திதிதாதை தாததுத் தித்தத்திதா

திதத்தத்தத் தித்த திதித்தித்த தேதுத்து தித்திதத்தா

திதத்தத்தத் தித்தத்தை தாததி தேதுதை தாததத்து

திதத்தத்தத் தித்தித்தி தீதீ திதிதுதி தீதொத்ததே"

இதன் பொருளை திருமுருக கிருபாநந்தவாரியார் சுவாமிகள் இவ்வாறு கொடுக்கிறார்.

திதத்தத் தத்தித்த - "திதத்தத் தத்தித்த" என்னும் தாளமானங்களை,

திதி - திருநடனத்தால் காக்கின்ற

தாதை - பரமசிவனும்

தாத - பிரமனும்

துத்தி - படப்பொறியினையுடைய

தத்தி - பாம்பினுடைய

தா - இடத்தையும்

தித - நிலைபெற்று

தத்து - ததும்புகின்ற

அத்தி - சமுத்திரத்தையும் பாயலாகக்கொண்டு

ததி - தயிரானது

தித்தித்ததே - தித்திக்கின்றதென்று

து - உண்ட கண்ணனும்

துதித்து - துதி செய்து வணங்குகின்ற

இதத்து - பேரின்ப சொரூபியான

ஆதி - முதல்வனே!

தத்தத்து - தந்தத்தையுடைய

அத்தி - அயிராவதம் என்னும் யானையால் வளர்க்கப்பட்ட

தத்தை - கிளி போன்ற தெய்வயானைக்கு

தாத - தொண்டனே!

தீதே - தீமையே

துதை - நெருங்கிய

தாது - சப்த தாதுக்களால் நிறைந்ததும்

அதத்து - மரணத்தோடும்

உதி - ஜனனத்தோடும்

தத்தும் - பல தத்துக்களோடும்

அத்து - இசைவுற்றதுமான

அத்தி - எலும்புகளை மூடிய

தித்தி - பையாகிய இவ்வுடல்

தீ - அக்கினியினால்

தீ - தகிக்கப்படுகின்ற

திதி - அந்நாளிலே

துதி - உன்னைத் துதிக்கும்

தீ - புத்தி

தொத்தது - உனக்கே அடிமையாகவேண்டும்

இப்பாடல் கந்தர் அந்தாதியின் 54 ஆவது பாடல். இதில் "திதத்தத்தத்" என்பது நான்கு அடிகளிலும் திருப்பித்திருப்பி வருகிறது. இதனை "மடக்கு" அல்லது "யமகம்" என்று சொல்வார்கள்.முதற்பாடலின் கடைச்சொல்லும் அடுத்தபாடலின் முதற்சொல்லும் ஒன்றாக இருக்கும். ஆகவே அக்காப்பிய வகையை "அந்தாதி" என்று சொல்வார்கள். கந்தர் அந்தாதியில் மேலும் சில பாடல்கள் - தெரிந்துகொள்ளவேண்டியவை இருக்கின்றன. உலக மொழிகளிலே தமிழில் இருக்கும் அத்தனை விந்தைகள் வேறெந்த மொழியிலும் இருக்கக் காணோம்.

-நன்றி: டாக்டர்.எஸ்.ஜெயபாரதியின் http://www.visvacomplex.com/Ekakshara_Verse_of_ArunagiriNathar.html

காதலியின் ஆசையை நிறைவேற்றிய காதலன்!

2007-12-29T16:58:00.000+05:30

New Year Greetings

2007-12-27T18:48:00.000+05:30

தீப ஒளி - கடவுளும் மனிதனும்

2007-11-07T12:24:00.000+05:30

மக்காஆஆஆஆஆ....

2007-11-02T15:04:00.001+05:30

ஓமன் நாட்டில் சமஹன் மலைப்பிரதேசத்தில் டெப்பார் மாகாணத்தில் ராணுவ பயிற்சியின் போது ஒரு ராணுவ வீரர் கிளிக்கியது.

மகாத்மாவின் முதல் ஒளிப்படம்

2007-10-31T12:38:00.000+05:30

http://yethoonnu.blogspot.com/2007/10/mahatma-gandhis-first-video.html

யூனிகோடு?

2007-10-25T13:38:00.000+05:30

யூனிகோடு எழுத்துரு என்பதை ஒருமுக(ப்படுத்தப் பட்ட) எழுத்துரு என்று சொல்லலாமா?

நீ?

2007-10-25T13:03:00.000+05:30

எங்கிருக்கிறாய் நீ?
எப்போது வருவாய்?
எப்படி இருப்பாய் நீ?
தெரியவில்லை!

கருவறையில் இருந்தால் கூட
கண்டுகொள்ளலாம்…

உன் சுமையும்,
உன் அசைவும்,
உணர இயலா
படைப்பாய் படைத்துவிட்டான்..

ஒரு சில மணித்துளிகள் மட்டுமே
என்னால் உன்னை உணர இயலும்
அதையும் சிற்றின்பமாய் மட்டுமே
மனம் எண்ணும்.

உன் அன்னைபோல
என்று உன்னை உணர்வேன்?
என் குழவி சுமக்கும்
இன்பத்தை கணவனிடம் பகிர்ந்து கொள்ள..

இனி வரும் பிறவியிலாவது
பெண்ணாய் பிறக்க வை..

ஆண்டவனுக்கு புரியுமா
ஆண் மனது!

தீபாவ(லி)ளி!!

2007-10-22T18:28:00.000+05:30

தீபாவளி Purchase ஆரம்பிச்சாச்சா!!!

ICICI Bank Duplicate site-be careful

2007-09-12T18:29:00.000+05:30

BEWARE OF ICICI DUPLICATE SITE

Sample Spoofed Site

Genuine Site

Hi All,
An important piece of information.
Surprising both the sites have secured SSL from Verisign !!!! beware !!

Dear All, Please be aware of the duplicate ICICI Bank site available in the internet. This is one of the worst phishing scam ever seen. Here are the both the URLs, they are same, except there is a space (%20) at the end of the phishing URL.

The wrong one

https://infinity.icicibank.co.in/BANKAWAY?Action.RetUser.Init.001=Y&AppSignonBankId=ICI&AppType=corporate&abrdPrf=N%20

Actual ICICI Site

https://infinity.icicibank.co.in/BANKAWAY?Action.RetUser.Init.001=Y&AppSignonBankId=ICI&AppType=corporate&abrdPrf=N

தலைக்கவசம்

2007-08-30T12:43:00.000+05:30

உனது தலைக்கவசத்திடம்
உன் காதலை சொல்லி வைத்தாயா..!

ஒருநாள் அணிந்து பார்த்ததில்
அத்தனை அன்பையும் சேர்த்து
இறுக்கிக்கொண்டது.

வினாச காலே விபரீத புத்தி !

2007-07-05T19:13:00.000+05:30

ஆமோஸ்க்கு பிரபலமாகனும் ஆயிரக்கணக்கான பேர் அவன பார்க்கனும்னு ஆசை.

அதனால விபரீதமா சிந்திச்சி, ஒருநாள் பிரபலமான நடிகர் நடிகைகளுக்கு முன்னால தூக்கு போட முயற்சி பண்ணினான்.

ஆனா இத யாருமே கண்டுக்காம அவன திட்டிட்டாங்க.

உடனே கோவம் வந்து 3 பேர கொலை பண்ணிட்டான் ஆமோஸ்.

பத்திரிக்கைகள் கேமராக்கள் அவன செய்தியாக்க.. சட்டம் அவன பயங்கர கொலகாரன்னு சொல்லி தூக்கு தண்டனை கொடுத்திடுச்சு....

இப்போ ஆமோஸ் பலஆயிரம் பேரு பாக்க தூக்குல தொங்கப்போறான்.

8யதும் 8டாதவையும்

2007-06-28T19:26:00.000+05:30

திரு.பிரேம்குமார் அழைப்பிற்கு நன்றி சொல்லிட்டு...

இங்க வந்தவங்களுக்கு வணக்கமுங்க...

என்னைப்பற்றிய 8ம் நான் 8ட்ட வேண்டியவைகளும்..

1. அதாவது 6ம் வகுப்பு படிக்கும் போதே நண்பனுக்காக காதல் தூதும் கவிதை அன்பளிப்பும் அளித்தவன் தான். (பிஞ்சிலே பழுத்த பழம்!). அதற்காக ஆசிரியரிடம் மாட்டியபோது காதலித்தவனை விட்டுவிட்டு என்னை விசாரிக்கும்போது.. (கவிதை உபயம் என்னோடது தானே..) அந்த அண்ணன் தான் என்னோட கையெழுத்தும் கவிதையும் நல்லாயிருக்கும்னு என்னைய எழுத சொன்னார்-னு சொல்லி முடிக்கிறதுக்குள்ளே கன்னத்தில் கை வைத்த வாத்தியாரை நினைக்கும் போது "உனக்கு ஏண்டா இந்த பொழப்பு"ன்னு தோணினாலும் கவிதை உபயங்களை நான் நிறுத்தவில்லை. காதலுக்காக இது கூட செய்யலீன்னா எப்படி?

2. என்னைப்பற்றி சொல்லும்போது என் நண்பனைப் பற்றியும் சொல்லவேண்டிய கட்டாயம் இருக்கு. வீட்லயும் சரி வெளியிலயும் சரி அமைத்தியான பையன்னு ஒருத்தன் யாருன்னு கேட்டா அது நாந்தான்னு சொல்லி விடலாம்.. ஏன்னா கூச்ச சுபாவம்.. அத மாத்தி ஓரளவுக்கு இப்படி வாயடிக்க சொல்லிக்கொடுத்தது, கொஞ்சம் வாழ்க்கையை விளங்க வைத்தது என் நண்பன் ருத்ரமூர்த்தி தான். இப்போ அவன் இல்லை, ஒரு கரும்பு லாரி வழிதடுமாறிப்போய் சரியாக என் நண்பன் மேல் கவிழ்ந்து மண்ணுக்கு உரமானான்... இருக்கும்போதும் இறந்த போதும் இனிமையானவன்.

3. 2000மாவது ஆண்டு ஒரே ஒருமுறை 3 நிமிடங்கள் மட்டுமே பேசியிருப்பேன் அந்த பெண்ணிடம். அதுவும் நான் பணியாற்றிய என் பாலிடெக்னிக் கல்லூரிக்காக ஒரு வருகைப்பதிவு மென்பொருள் வேண்டி விண்ணப்பித்ததோடு சரி. பிறகு அவங்களை பார்க்கவேயில்லை. நியாபகம் கூட இல்லை. 2004லே நான் இந்த சென்னையில் என் முன்னேற்றத்திற்காக வந்தபிறகு 2005லே தான் திரும்ப பார்த்தேன். புரிஞ்சிட்டிருப்பீங்களே... ஆமாம்... எனது காதல் திருமணம்தான்.

4. வேலைல கொஞ்சம் நுணுக்கமான ஆளுதான், சரியா வர்ற வரைக்கும் விடமாட்டேன். கணிணி அலுவலகங்களுக்கு இருக்கை வசதி செய்து தரும் ஒரு தனியார் அலுவலகத்தில் (அட modular furniture company ங்க) படம்போடறதும் படமாபோட்டத கண்முன்னால நிறுத்திக்காட்றதும் (designing & Project division) தான் என் வேலை.

5. என்னோட அப்பாவ நான் love பண்றது இப்பத்தான்.. ஏன்னா கல்யாணத்துக்கு முன்னால நான் கொஞ்சம் குறும்பு, பிடிவாதக்காரன்.. அதனால அவங்க இடித்துரைக்கறது இந்த மன்னனுக்கு ஏறாது. வேற கெடுப்பான் இல்லாமலும் கெட்டுப்போக இருந்த என்னை சரியான சமயத்துல நல்வழிப்படுத்திகிட்டே வந்திருக்கார்.. அத இப்போதான் நான் உணருரேன். அதேபோல பெரியாரை எனக்கு அறிமுகப்படுத்தியது எங்கப்பாதான். (இந்த மாதிரி ஒரு அப்பாவா நான் இருப்பேனானு ஒரு கலக்கம் எனக்குள்ள இருக்கு.)

6. தமிழின் பழக்கம் என் அம்மா சொல்லிக்கொடுத்தது. சின்ன வயசில இருந்தே ஆத்திசூடி, நற்றினை, குறுந்தொகை ன்னு நிறைய சொல்லிக்கொடுத்தது அம்மாதான், ஆமா அவங்க எனக்கு தமிழாசிரியை. ஆனா எனக்கு நாட்டம் அகத்தினைகளில் அதிகம் இருந்ததையும் கண்டுபிடித்து ராமாயணம், மகாபாரதம், பாரதியின் கண்ணன் பாட்டுகள்ன்னு சொல்லிகொடுக்கும்போது ஒவ்வொரு பாத்திரங்களையும் மனோதத்துவரீதியா விளக்கி, எனக்கு character watching சொல்லிக்கொடுத்தது அவங்கதான். (அதனால கூட எனக்கு இயக்குனராகனும்னு ஒரு கனவு இருக்குன்னு சொல்லலாம்). ஆனா அவங்க சொன்னதுல ஒன்னே ஒன்னு நான் செய்யாம விட்டது 8ல சொல்றேன்..

7. ஒரே ஒரு முறை தற்கொலை செய்துக்கிற எண்ணம் எனக்கு வந்தது. அப்போ நான் +2 படிச்சி முடிச்சி விடுமுறையில இருக்கேன். கமல் நடித்த உன்னால் முடியும் தம்பி டிவியில படம் பார்த்துட்டு இருந்தேன்.. அதுல ஜெமினி கணேசன் கமலோட அப்பாவா நடிச்சிருப்பாரு, அவரு ஊருக்கு உழைக்கிற தன்னோட மகன திட்டுவாரு.. ச்சே என்னடா உலகம் இது நல்லது செய்யற இந்த கமலுக்கே இந்த கதின்னா நமக்கு?ன்னு நெனச்சுகிட்டு வீட்ல பூச்செடி வளர்றதுக்கு போட வெச்சிருந்த ஊட்டசத்து மாவ கரைச்சு குடிக்கலாம்னு தோணிச்சு.. ஆனா என்னோட ஆச நிறைவேறல.. ஏன்னா! விளம்பரம் முடிஞ்சி மறுபடியும் படம் போட்டுட்டாங்க.

8. பாட்ஷா படம் வந்தப்ப எங்கம்மா சொன்னாங்க "கண்ணா! அந்த 8டு 8ட்டா மனுச வாழ்வ பிரிச்சிக்கோ"ன்ற பாட்ட நல்லா கவனிச்சு வெச்சிக்கோ.. அதன்படி உன்னோட வாழ்க்கைய plan பண்ணிக்கோ" ன்னு. ஓரளவு தான் பண்ண முடிஞ்சிது.. இத படிக்கிறவங்க யாராவது இப்படி வாழ்ந்துட்டு இருந்தா சொல்லுங்க.. கடைசியா என்ன சொல்றதுன்னா "நேரம்"ன்றது வாழ்ககையில முக்கியம்..

இம்புட்டு நேரம் வெட்டியா எங்கதய கேட்டதுக்கு நீங்க ஏதாவது உருப்படியா செஞ்சிருக்கலாம்னு தோணித்துன்னா அது என்னோட வெற்றி!

(அட உண்ம தாங்க நம்மளபத்தியும் எழுத 8 இருக்குதே!)

நன்றி!

நா கூப்பிட நெனைக்கிற 8 பேரு:

1. நிலவு நண்பன். (இன்னும் 8 துளிகளை சொட்டவும்)
2. சந்திரவதனா.
3. ஜீ.ரா.
4. ஆசிப் மீரான்
5. சூரியகுமார்
6. பிரிய(மான) தோழி
7. நவீன் ப்ரகாஷ்
8. செம்மலர் தியாகு

விளையாட்டின் விதிகள்:

1. ஆடுபவர் தன்னைப்பற்றிய 8 தகவல்களை எழுத வேண்டும், அதன் கீழ் இந்த விதிகளையும் எழுதவேண்டும்.
2. தொடர்ந்து எட்டுபேரை இந்த விளையாட்டிற்கு அழைக்க வேண்டும்; அவர்களுக்கு இந்த அழைப்பைப் பற்றி அறியத் தரவேண்டும்.
3. தொடர்பவர்(கள்) இதேபோல் எட்டு தகவல்களையும், விதிகளையும் எழுதி வேறு எட்டுபேரை அழைக்க வேண்டும்

எப்படிச் சொல்ல?

2007-06-14T13:55:00.000+05:30

சதா... உன்னைப்பற்றியே
நினக்கும் இந்த மனதிடம்
எப்படிச் சொல்ல....

என்னைப்பற்றியும்
நினை என்று..??

கவி...தா!

2007-06-14T13:52:00.000+05:30

என்னை விட்டு
உன்னிடம் வந்த சொற்களை
விடுதலை செய்...

உனக்கான கவிதையை
எழுத வேண்டும்
நான்.

பித்து

2007-06-14T13:46:00.000+05:30

அறிந்தே
பித்தனாகி போனேன்...

உன்னிடம்.

வலி!

2007-06-14T13:44:00.000+05:30

எப்போதும்
என்னைப் பற்றியே
பேசுகிறாய்...
உனக்கு வாயே வலிக்காதா என்கிறாய்...

காதலைப் பேச
வாய் வலிக்குமா!

மரண-வாழ்த்து..?!

2007-06-14T13:36:00.000+05:30

நம் திருமணத்திற்கு வந்த மரணம்
வாழ்த்திச் சென்றது

"நீடூழி வாழ்க" வென்று.

மரணத்தையே திருத்தியது
நம் காதல்.

அது மரணவாழ்த்தல்ல..
மரணத்தின் வாழ்த்து.

குறிப்பு!

2007-06-11T14:16:00.000+05:30

நீ தந்த முற்றுப்புள்ளியில் தான்

என் வாழ்க்கையை துவங்கினேன்..

என்ன பார்க்கிறாய்...

கேள்விக் (?) குறியாய் இருந்திருக்கிறேன்

ஆச்சரியக்(!) குறியாய் நிமிர்த்தியிருக்கிறாய்..

தொடர்க் (;) குறியாய் என்ன தருவாயென்றிருந்தேன்...

: க்குறியிட்டு ஏற்கனவே நீ

தந்து சென்றிருக்கிறாய்...

(.) யை

கத சொல்றேன்...

2007-06-08T19:44:00.000+05:30

ஒரு இன்ஸூரன்சு ஏஜண்டு ஜோசியகாரங்கிட்ட ஜாதகம் பாக்க போனான், அவரு உனக்கு சாவு நெருங்கிகிட்டிருக்கு எங்கேயும் வெளியே கிளிய போவாதப்பான்னு சொன்னாரு.

அவனும் சாவுக்கு பயந்துட்டு வீட்டுக்குள்ளயே மொடங்கி கெடந்தான். அடடா இந்த வருச டார்கெட்ட முடிக்க முடியாமயே செத்துவனேன்னு பொலம்பிகிட்டே இருந்தான்.

ஒரு நாள் எமதர்மனோட கிங்கரன் அவன் வீட்டுக்குள்ளயே வந்தான்..

இவன் ரொம்ப பயந்து மூஞ்சியெல்லாம் வெளிறிப்போயி நடுங்கிட்டே.. "தயவுசெஞ்சு என்ன கொன்னுடாதீங்க நானு நெறையா சாதிக்கவேண்டியிருக்கு"ன்னான்.
அதுக்கு கிங்கிரன் சிரிச்சிகிட்டே... "அப்பா! உனக்கு சாவு கிடையாது, நீ தாராளமா வெளியில போயி உன்னோட வேலைகள செய்யி"ன்னு சொன்னான்.

இப்போதா அவனுக்கு நம்பிக்கையே வந்து கிங்கிரனுக்கு நன்றி சொல்லீட்டு, தெகிரியமா வெளிய போனான். கொஞ்ச நேரத்தில எதுத்தாப்பல வந்த லாரி, அவமேல மோதிட்டுது... செத்துப்போயிட்டான்.

அப்போ அவனோட உசுர கொண்டுபோகறதுக்கு அதே கிங்கரன் வந்தான், "வாப்பா எமலோகத்துக்கு போகலாம்"ன்னு சொன்னான்.
உடனே செத்தவனோட உசுரு கேட்டுச்சு "நீ சொன்னத நம்பித்தான நா வெளியில வந்தேன். இப்போ பாரு நான் செத்து போயிட்டேன்"னுச்சு.

அதுக்கு கிங்கரன் சொன்னான் "இதப்பாரு உன்ன மாதிரிதான் நாங்களும் இந்த மாச டார்கெட்ட முடிக்கிறதுக்கு ஒரு உசுருதா தேவப்பட்டுது, சாவுக்கு பயந்தவனத்தா புடிக்கணும்னு எமனோட கட்டள அதனால தான் இப்படி சொல்ல வேண்டியதாப்போச்சு, என்னோட டார்கெட்ட அச்சீவ் பண்ணீட்டேன், வா போகலாம்னு" கூட்டிடு போயிட்டான்.

அதனால சாவு எப்டி வேணா வரும், அதுக்கு பயந்துகிட்டு மொடங்கி கெடக்காம.. போயி வேலயப்பாருங்கப்பு...

உதவலாமே...!!!

2007-06-07T10:56:00.000+05:30

Dear Friends,

If you know any high school student who is a very high scorer but from a poor family, here is a great opportunity to help him/her get a nice scholarship to enter college. Applications can be obtained by writing to:

Mr.S.Ramanathan
#17,North St,
Kalai Nagar
Madurai - 625014
Ph: 0452-2640678
E-Mail: ramrajam2002@yahoo.com

Scholarships are given by "NORTH SOUTH FOUNDATION" of USA, based on exam grades and family situation. The annual family income should be less than Rs 38000 in urban areas and Rs 26000 in rural areas. The scholarship amount mostly covers 100% of tuition fees and ranges from Rs 5000 to Rs 10000 per year.
If called for an interview, 50% of the travel cost will be reimbursed.
-------------------------------------------------------------------------------------
இந்த தகவல் எனக்கு வந்த ஈ-மெயிலில் இருந்து பதிவு செய்தது.
-------------------------------------------------------------------------------------

அலை

2007-05-05T18:19:00.000+05:30

என்னை நோக்கிவந்த அலைகளில்

இந்தச் சமூகம் -

என்னை உள்ளிழுத்த அலை.

நீ -

என்னை கரையேற்றிய அலை.

ஏ...பணமே..!

2007-04-16T11:33:00.000+05:30

நீ!

ஏழைகளின்

எஜமானன்,

முதலாளிகளின்

கொத்தடிமை.

உந்துதல்

2007-04-11T12:02:00.000+05:30

உனக்கு

இரத்த அழுத்தமாம்

வைத்தியர் சொன்னார்.

எனக்குத் தெரியும்...

நம் வாழ்க்கைப் படகு

முன்னேறிச் செல்ல

நீ கொடுக்கும்

துடுப்பின் அழுத்தம்தான்

அதுவென்று.

ஈர்ப்பு

2007-04-11T11:44:00.000+05:30

காந்தம் போல்

ஒட்டிக்கொள்வாய் என

நினைத்தேன்...

நீயோ

இன்னோரு துருவமாய்

விலகியே நிற்கிறாய்.

பொருத்தம்

2007-04-09T18:18:00.000+05:30

உனக்கும் எனக்கும்
பொருத்தமாய் இருக்குமா
என்று கேட்டாய் அன்று.

கேள்!
இன்று
உலகம் சொல்கிறது
நாமிருவரும்
மிகப்பொருத்தமான
தம்பதிகளென்று.

கண்ணீர் துளிகள்..

2007-03-22T19:48:00.000+05:30

கண்ணீர் துளிகள்
விஷேசமானது தான்.

புன்னகையை யாருக்கும் அளிக்கலாம்..
கண்ணீர்த்துளிகளை
அன்பானவர்க்கு மட்டுமே
உதிர்க்க முடியும்.

உன் மணத்திற்காய்
இன்று நானும்.

என் மரணத்திற்காய்
நாளை நீயும்.

காதல் பிரசவம்

2007-03-07T12:16:00.000+05:30

நம் நெஞ்சமெனும் கருவரைக்குள்
வைத்து பிரசவித்தோம்
காதலெனும் குழந்தையை.

காதல் எதிரிகள்..

2007-02-14T11:47:00.000+05:30

------------------------------------
காதலர் தின மறுபதிவு
-----------------------------------

பலத்த எதிர்ப்புகளுக்கிடையே
கைகோர்த்தது
நம் காதல்.

எதிர்ப்புகள் யார்?

நம்மைக் காதலித்த
பெற்றோர்கள் தான்.

இவன்..

2007-01-22T19:24:00.000+05:30

எழுத்துப் பட்டறைகளின்

உளிகளால்

செதுக்கப்பட்டவனல்ல இவன்...

காலம் காலமாய் கருங்கல்லாயிருந்து

உன் காற்றுக் கைகளால்

மெருகேறியவன்.

கவிதை!!

2007-01-22T19:12:00.000+05:30

உன்னைப்பற்றிய
கவிதைகள் எல்லாம்
வார்த்தைகளால் ஆனது.
நீ மட்டுமே கவிதையானவள்...
ஆகவே
இப்பொழுதெல்லாம் நான்
கவிதைகள் எழுதுவதில்லை..
உன்னை
படித்து
ரசிக்க மட்டுமே செய்கிறேன்,
நீ
என்
மனைவியானதால்.

கவிதை?

2007-01-19T12:27:00.000+05:30

இப்போதெல்லாம்
நான் கவிதை எழுதுவதே இல்லை..
நீ
என்
மனைவியாகிவிட்டாயல்லவா..!!

இலவசம்

2006-11-15T16:46:00.000+05:30

லாரியோட்டும்
எங்கப்பன்
தந்தானய்யா
எங்கம்மாவுக்கும்
எனக்கும்
இலவசமாய்...
எய்ட்ஸ்.
.................................................................
நவம்பர் '06 - தேன்கூடு போட்டிக்காக.

காதல் நிலா

2006-11-08T19:10:00.000+05:30

ஊடலில்...
மறைந்து...
தோன்றி...
மகிழ்வூட்டுகிறாயே
காதலே!!

முகிலிடம் விளையாடும்
நிலவைப் போலவே.

நண்பன்

2006-11-07T18:16:00.000+05:30

நண்பன் தான்.

உணர்வால்...
உடலால்...
மெள்ள...
பிரிந்து...

பிரிந்து...

பிரிந்து போய்...

பகைவனானான்.

காதல் எதிரிகள்..

2006-11-07T18:13:00.000+05:30

பலத்த எதிர்ப்புகளுக்கிடையே
கைகோர்த்தது
நம் காதல்.

எதிர்ப்புகள் யார்?

நம்மைக் காதலித்த
பெற்றோர்கள் தான்.

வாழ்வோம் வா

2006-11-07T17:39:00.000+05:30

போதுமம்மா
நாம் காதலித்தது!
அதைக்
காதலர்கள் பார்த்துக்கொள்வார்கள்.

வாழ்க்கை
நம்மை காதலிக்கிறதாம்..
வா..

வாழ்க்கையை
நாம்
காதலிப்போம்.

நீயும் நானும்

2006-11-07T16:00:00.000+05:30

நீயும் நானும்

வேறு வேறாகவே
இருந்திருக்கலாம்...

நானும் நீயும்

காதலிக்காமல்
இருந்திருந்தால்.

பிரிவு

2006-11-07T15:47:00.000+05:30

பிள்ளை பெற
தாய்வீடு செல்கிறாய்
நீ..
பிரிவின் வலியில் துடிக்கிறேன்
நான்.

வயது

2006-11-06T12:45:00.000+05:30

நம் காதலின்
வயதைக் கேட்டார்கள்.

சொன்னேன்.

7 ஜென்மங்களென்று.

சாதி

2006-11-03T13:21:00.000+05:30

விண்ணப்பத்தில் குறிப்பிடாததால்...
பள்ளியில் கேட்டார்களாம்
நம் பிள்ளையை...

"நீ எந்த மகரந்தத்தின் பூ?" - என்று!

நம் கதையில் ஒரு சம்பவம்.

2006-11-02T20:30:00.000+05:30

பேருந்தில் நம் கிராமத்திற்கு சென்றோம்
அருகருகே அமர்ந்து.
அமர்ந்த சற்றுநேரத்தில்
தோள்மீது சாய்ந்து தூங்கிவிட்டாய்.
உன் தூக்கம் கலைக்க மனமில்லாமல்
அடுத்த கிராமத்தில் நீயாய் எழ
அன்புச்சண்டையுடன்
மீண்டும் ஊர் திரும்பியது
சரித்திரம்.

வாசம்!

2006-11-01T19:11:00.000+05:30

பூக்கடைக்காரன் மனைவி:
"அத்தான், சாப்பிட வாங்க, மீன் கொழம்பு வெச்சிருக்கேன்".

அவன் சொன்னான்,

"இரும்மா, கையெல்லாம் பூநாத்தம்
சோப்பு போட்டு கழுவீட்டு வர்றேன்!"

பத்தவெச்சிட்டயே பரட்ட..

2006-11-01T18:06:00.000+05:30

நம்பிக்கை

2006-11-01T17:59:00.000+05:30

பயத்தைப்போக்க

நீ பற்றவைத்த

ஒற்றை பீடியில்

வைக்கும் நம்பிக்கையை

அதைத் தாங்கிக்கொண்டிருக்கும்

விரல்களின் மீது வைத்தால் என்ன?

பெயர்

2006-10-31T20:15:00.000+05:30

எல்லா கவிஞர்களும்
எழுதிவிட்டார்கள்
காதலைப்பற்றி.

நான் மட்டும் என்ன செய்ய?

எழுதினேன்.

உன் பெயரை.

ஏன்?

2006-10-31T19:41:00.000+05:30

உதிப்பதிலும்

மறைவதிலும்

அழகாய்த்தானிருக்கிறாய்

ஆதவனே!

மதியம் மட்டும்

ஏன்

அந்தக் காய் காய்கிறாய்?

ம்..~?!

2006-10-30T18:24:00.000+05:30

அன்பே!
நாமிருவரும்
ஒரே நொடியில்
இறந்தோமே...

அதைப்பற்றி
இவர்கள்
என்ன பேசிக்கொள்வார்கள்?

உதிரிபூக்கள்

2006-10-30T17:53:00.000+05:30

நான் கொடுத்த
எல்லாக் கடிதங்களையும்
கிழித்தெரிந்தாய் நீ.
அத்தனையும்
உதிரிப்பூக்களாய்
உன் காலடியில்.

எனக்கு நிம்மதி.

இனி உன் கால்கள்

இந்த பூக்களின் மேல் அல்லவா
நடந்து செல்லும்.

மகனே...????

2006-10-30T16:26:00.000+05:30

முந்நாள்
பட்ட காயங்கள்
இந்நாள்
வலியிருக்கும்.

இந்நாள்
வடுக்கள்...

பின் ஆளுக்கு
நினைவிருக்குமா?

யார்..?

2006-10-30T16:18:00.000+05:30

முதலில்
காதலை சொன்னது
நீயா?.. நானா?..
என்றெல்லாம் தெரியாது.

எனக்கு தெரிந்ததெல்லாம்
"நாம் காதலிக்கிறோம்".

வலம்

2006-10-30T16:12:00.000+05:30

"உன்னைச்
சுற்றியே
என் உலகம்" - என்றேன்,
நீயோ
என்னையே
சுற்றி சுற்றி வருகிறாய்!

படைப்பு

2006-10-30T15:52:00.000+05:30

அத்துணை அழகுகளையும்
படைத்துவிட்டு
திருப்திப்படாததால்
உன்னைப் படைத்தான்
பிரம்மன்.

ஏய் செல்லம்..

2006-10-28T18:02:00.000+05:30

"முடியாது" என்று மறுத்தாய்,
"மாட்டேன்" என்று அடம்பிடித்தாய்,
"வீட்டில் சொல்லி உன்னை மாட்டிவிடுகிறேன் பார்" என மிரட்டினாய்,
ஆனாலும் உன் சகோதரர்களை என் நண்பர்களாக்கினாய்,
பெற்றோரை அத்தை, மாமா என்று அழைக்க சொன்னாய்...
வீடு வரை... நீ வா... உன் காதல் வரக்கூடாதென்று கட்டளையிட்டாய்...
இன்னும் பல ஜாலங்கள் செய்தாய்...
ஆனாலும்
துரத்தித் துரத்தி என்னை காதலிக்கவைத்து... பின்
என்னை நீ கல்யாணம் கட்டிக்கொண்டாய்.

அடிப்போடி..

2006-10-28T17:58:00.000+05:30

வெட்கமாயிருக்கிறது
எனக்கு
எப்படி
ஒரு கவிதையைப்
பற்றியே
கவிதை
படைப்பது!!

காதல் அனுமதி

2006-10-28T17:18:00.000+05:30

நன்றி: தபு சங்கர்.

உன்னை முதலில் சும்மாதான் பார்த்தேன்! அப்புறம் சும்மா சும்மா பார்க்க ஆரம்பித்தேன். நான் பார்க்கிறேன் என்பதற்காக நீயும் பார்க்க ஆரம்பித்த பிறகு, உன்னைக் காதலித்தால் என்னவென்று தோன்ற ஆரம்பித்தது. ஆனால், உன்னைக் காதலிக்கலாமா வேண்டாமா என்பதை என் அப்பாவைக் கேட்டுத்தான் முடிவெடுக்க வேண்டும். ஏன் என்றால் என் அப்பா என் மிகச் சிறந்த நண்பர்.

வீட்டில் சாப்பிட்டுக் கொண்டிருக்கையில் 'அப்பா... நான் காதலிக்கலாம்னு இருக்கேன்ப்பா' என்றேன். 'அய்யோ பாவம்!' என்றார் அப்பா. 'ஏம்ப்பா..?' டேய்... நானும் இப்பிடித் தான் வெவரம் தெரியாம, உங்கம்மாவைக் காதலிச்சுக் கல்யாணம் பண்ணினேன். ஆனா, இவ பண்ற இம்சை இருக்கே... தாங்க முடியலை. சரி, காதலிச்சுச் தொலைச்சுட்டமே... வேற என்ன பண்றதுனு வாழ்ந்துட்டிருக்கேன். இதுவே எங்க அம்மா & அப்பா பாத்து நடத்தி வெச்ச கல்யாணம்னு வெச்சுக்க... 'சரிதான் போடீ!'னு எப்பவோ இவளைப் பிறந்த வீட்டுக்கு அனுப்பியிருப்பேன்... இதுக்குமேல 'காதலிக்கலாமா... வேண்டாமா?'னு நீயே யோசிச்சு ஒரு நல்ல முடிவா எடுத்துக்க!' என்றார் சிரித்தபடியே.

சாப்பாடு போட்டுக் கொண்டிருந்த என் அம்மா, அப்பாவின் தலையில் செல்லமாகக் குட்டிவிட்டு 'அப்படி என்ன இம்சை பண்றேன் உங்களை?' என்று சண்டைபோட ஆரம்பித்தார்.

அந்த அழகான சண்டையை வேடிக்கை பார்த்துக் கொண்டிருக்கும்போதே முடிவு செய்துவிட்டேன்... உன்னைக் காதலித்துக் கல்யாணம் செய்து கொள்வதென்று!

ரகசியம்

2006-10-28T16:42:00.000+05:30

எனக்கு மட்டுமே

தெரிந்த ரகசியத்தை

அறிய வந்த

வண்ணத்துப்பூச்சி,

உன் வெட்கத்தால்

எப்படி சிவந்துபோயிருக்கிறது

பார்.

வானவில்

2006-10-28T16:29:00.000+05:30

தன்னிடமில்லாத

உன் கூந்தல் நிறத்தை

நாணல் கொண்டு

எழுதுகிறது பார்

இந்த வானவில்.

அன்பருவி

2006-10-28T16:16:00.000+05:30

இப்படி

உன் அன்பை அருவியாய்க் கொட்டி..
வருடி வருடியே..

கல்லாய் என்னை

சமைத்து

வைத்திருக்கிறாய்

நீ.

எனது பேனா

2006-10-28T15:58:00.000+05:30

எதை எழுதினாலும்
கிறுக்கலாய் எழுதிவிட்டு
உன் பெயரை மட்டும்
மிக அழகாய் எழுதுகிறதே!
என் பேனா!

காத்திருப்பு

2006-10-26T19:01:00.000+05:30

இந்தப் பிறவி வரை
காத்திருந்து
பெற்றோம்
காதலெனும்
நம் குழந்தையை !

துவாரவாசல்

2006-10-26T14:24:00.000+05:30

என் இதயத்தில்
துவாரம் இருப்பதாய்
கண்டுபிடித்தார்கள்...
அது
நீ நுழைந்த வழியென்று
இவர்களுக்கு
தெரியவில்லை போலும்.

இன்சுலின்

2006-10-26T14:20:00.000+05:30

சர்க்கரை நோய்
உங்களுக்கும் வரலாமென்று
வைத்தியர் சொன்னார்.
நல்ல வேளை
நீ வந்துசேர்ந்தாய்.
சர்க்கரை நோய்
வருவதற்கான வாய்ப்பில்லை.

விக்கல்

2006-10-19T19:08:00.000+05:30

எனக்கு
விக்கல் வரும்போதெல்லாம்
உன்னைத்தான் நினைத்துக் கொள்கிறேன்.

விக்கல் வருவது கூட
நீ நினைப்பதால் தான் என்றால்
கண்ணே...

எப்பொழுதாவது தானா
என்னை நினைத்துக் கொள்கிறாய் !!

கோபம்

2006-10-19T19:03:00.000+05:30

என் மேல்
தீராத கோபமென்றால்
என் இதயத்தை
உன்னிடம் தருகின்றேன்,
முற்களால்
குத்திப்பார்த்து
உன்
கோபம் தணித்துக்கொள்.

உன் மலர்க்கைகளில்
இரத்தக்கறை
படிந்துவிட்டால்...
என்னிடம் சொல்.
துடைத்துவிடுகிறேன்.

நிறம்

2006-10-19T18:49:00.000+05:30

உன் இதயத்தின் நிறத்தை
ஆராய்ந்த பொழுது
என்
கண்ணீரின் நிறம்
சிவப்பாகிப் போனது.

விடுதலை எப்போது!

2006-10-19T18:34:00.000+05:30

(தேன்கூடு போட்டிக்கவிதை)
-------------------------------------
அவனைக் காண வேண்டும்.
சே.. என்ன இரவு,
நீண்ட இரவாக உள்ளதே!
அடடா!
பொழுது விடியும்போது
எல்லோரும்
காணத் துடிக்கும் அவனை
அந்த இளஞ்சூரியனை
நான் காண வேண்டும்.
நினைக்கும் போதே இதமாயிருந்தது.
தூங்கிவிட்டேன்.
காலை வந்துவிட்டதாம்.
சேவல் கூவியதும் எழுந்தேன்.
தட்டுத் தடுமாறி
அவனது அழகிய முகத்தில் விழிக்க
கண்களை மூடிக்கொண்டு சென்றேன்.
வெளியே வந்துவிட்டது போல் உணர்வு.
தலையை நிமிர்த்தி
கண்களை அகலத்திறந்தேன்.
ஒன்றுமே தெரியவில்லை.
எல்லாமே இருள்.
ஞாபகம் வந்தது..
நான் குருடன் என்று.

எப்படி!

2006-10-16T17:48:00.000+05:30

எனது காதலில்

கொஞ்சம் ஆணாதிக்கம்

கலந்துவிட்டது இப்போது.

ஆனால்

நீ மட்டும் எப்படி

நிறம் மாறாமல்

காதலித்துக் கொண்டிருக்கிறாய்...!

பிரிய எதிரிகளே!

2006-10-13T17:48:00.000+05:30

எனது
ஆயுதத்தை
தீர்மானித்தது
நீங்கள்தான்
எனது
பிரிய எதிரிகளே!

எண்ணம்

2006-10-13T17:35:00.001+05:30

பிறப்பு

2006-10-13T16:41:00.000+05:30

ஒவ்வொரு பெண்ணும்
பிறக்கும்போதே
375 கருமுட்டைகளுடன்
பிறக்கிறாளாம்.

நானும் பிறந்தேன்..
உன்னை மட்டுமே
நெஞ்சினுள் தாங்கி.

கனவில் நீ

2006-10-12T20:19:00.000+05:30

நேற்று
என் கனவில்
நீ வந்தாய்.
வாசற் கதவைத் திறந்து
"உள்ளே வா" என்றேன்
மகிழ்ச்சிப் பெருக்கோடு.
கனவில் கூட
என்னைக்
காணக்கூடாது என
எச்சரிக்கத்தான் வந்தேன்
என்று சொல்லி சென்றுவிட்டாய்.
கனவில் கூட
கல்நெஞ்சமடி உனக்கு